کفت و کەف وە مووسیقا

دوو نامیلکە لە جوبران خەلیل جوبران
وەرگیڕانی موحەممەد هادی مورادی (لە زمانی عەرەبی و ئینگلیزی)

هۆی ناونانی ئه‌م نامیلکه‌یه به کفت‌ و که‌ف

ده‌ڵێن یه‌کێک له هاوه‌ڵه‌کانی جوبران، به نێوی «باربارا یوونگ» داوای له جوبران کردووه که کورته قسه‌کان و قسه نه‌سته‌قه‌کانی خۆی له ده‌فته‌رێکدا خڕ بکاته‌وه. جوبران له ئه‌وه‌ڵه‌وه پێشنیاره‌که‌ی به گاڵته دێته به‌ر چاو و ده‌ڵێ: «قسه‌کانی من لا گوێلێ له کفتن و لا لۆچێک له که‌ف» به‌ڵام پاشان پێشنیاره‌که‌ی باربارا قبووڵ ده‌کا و کورته‌قسه‌کان و قسه نه‌سته‌قه‌کانی خۆی کۆ ده‌کاته‌وه و نێوی «کفت‌ و که‌ف»یان له سه‌ر ده‌نێ.
*‌ * *
_ بینایی‌چاوان! بمکه به نێچیری شێر له پێش ئه‌وه‌ی ڕیوی بکه‌ی به نێچیرم
*‌ * *
_ ئه‌تۆ بێده‌نگیم بده‌رێ تا له بوێری و ئازاتیا، به‌سه‌ر شه‌وزه‌نگا زاڵ بم.
*‌ * *
_ مرۆ ناگاته سپێده مه‌ر هه‌ر له ڕێگه‌ی شه‌وه‌وه.
* * *
_ هه‌قێقه‌ت ده‌م‌به‌ده‌م دوو که‌سی پێویسته: که‌سێ که ئاشکرای بکا، که‌سێکیش که لێی حاڵی بێ.

📖کفت و کەف
✍️جوبران خەلیل
🖊وەرگێڕان:هادی مورادی
🏳️چاپەمەنی خانی